Digital oppskrift på puter i ruter - fire variantar i samme oppskrift.
Merk: Oppskrifta er for tangentvev (fire skaft), altså ikkje med nedknytting til golvvev.
Putene vever du i Rauma Finull. Til fire framsider treng du åtte nøster (400 gram) . Dersom du vil veve med einsfarga innslag treng du eit nøste ekstra i den fargen. Ei vevd pute er rett i underkant av 100 gram, så det kan vere lurt å ha eit ekstra nøste av dei fargane som dominerer.
To av putene er med eitt hovlemønster, og dei to andre med eit anna. Her må du altså hovle om halvvegs om du vil ha fire ulike puter, men dette er altså fullstendig frivillig!
